Балаларға қатысты жыныстық зорлық үшін жаза қалай күшейтілді?

Өзбекстан Президенті Шавкат Мирзиёев балаларға қатысты зорлық-зомбылықтың барлық түрі үшін жауапкершілікті күшейтетін заңға қол қойды. Құжатты Олий Мажлистің Заң шығару палатасы 30 қыркүйекте қабылдап, Сенат 2 қазанда мақұлдаған. Өзгерістер бүгін, 14 қазаннан күшіне енді.

Негізгі жаңалықтардың бірі — 14 жасқа толмаған балаға жыныстық зорлық-зомбылық жасаған адамдарға 15 жылдан 25 жылға дейін немесе өмір бойы бостандықтан айыру жазасы тағайындалуы мүмкін. Бұрын жаза 15 жылдан 20 жылға дейін болатын. 18 жасқа толмаған адамдарға қатысты зорлау қылмысы бойынша қылмыстық жауапкершілікке тарту мерзімі қолданылмайды. Баланың өліміне себеп болған қасақана қылмыстар үшін жазаны жеңілдетуге тыйым салынды. Жыныстық әдепсіздік үшін айыппұл 10–15 БЕМ немесе 10 тәулікке дейінгі әкімшілік қамау болып белгіленді.

Президент әкімшілігінің басшысы Саида Мирзиёева баланы қорлаған, оған дене немесе рухани азап берген әрбір адам, ол білім беру мекемесінің қызметкері болсын, не жақын туысы болсын, жауапқа тартылатынын айтты. Заң сондай-ақ зорлық-зомбылыққа ұшыраған немесе оған куә болған кәмелетке толмағандар үшін процестік кепілдіктерді кеңейтеді.