Мирзиёев: Гарвардпен бірлесіп Өзбекстанда генетикалық тексерулер енгізіледі

Президент Шавкат Мирзиёев медицина және фармацевтика саласының қызметкерлерімен кездесу өткізді. Ол әр өңірге келесі жылы кемінде 150 млн доллар инвестиция мен грант тарту міндетін қойды, өңір басшыларына тиісті тапсырмалар берілді. Геномика, жасуша және биотехнологиялар арқылы бұрын емдеу мүмкін болмаған көптеген аурулардың шешімі табылып жатқаны атап өтілді.

Мирзиёев адам өмірі мен денсаулығына байланысты зерттеулерде адамның құқығы, келісімі және қадір-қасиеті бірінші орында тұруы тиіс екенін айтты. Осы мақсатта биоэтика және биотехнология салалары үшін берік құқықтық негіз жасалады. Гарвард медицина мектебімен бірлесе отырып, тұқым қуалайтын аурулар бойынша мамандар оқытылып, генетикалық тексеру енгізіледі.

Республикалық шұғыл жедел жәрдем орталығында нейрохирургия бойынша ірі мектеп қалыптасқаны және оның тәжірибесін өңірлерге жеткізу қажеттігі атап өтілді. Ол үшін хирург, анестезиолог, реаниматолог, ассистент және медбикелерден тұратын тұтас топтар жергілікті жерлерге жіберіледі. Медициналық топтар орталықтарда 3-4 айлық стажировкадан өтеді.