Mirziyoyev: Harvard ilə əməkdaşlıqda Özbəkistanda genetik müayinə tətbiq olunacaq

Dövlət başçısı Şövkət Mirziyoyev tibb və farmasevtika sahəsinin işçiləri ilə görüş keçirib. Mirziyoyev gələn il hər regionun ən azı 150 milyon dollar investisiya və qrant cəlb etməsi vəzifəsini qoyub, regionların rəhbərlərinə müvafiq tapşırıqlar verilib. Görüşdə genomika, hüceyrə və biotexnologiyalar vasitəsilə əvvəllər müalicəsi mümkün olmayan bir çox xəstəliyə həll tapıldığı qeyd olunub.

Mirziyoyev insan həyatı və sağlamlığı ilə bağlı tədqiqatlarda insanın hüququ, razılığı və ləyaqətinin birinci yerdə durmasının vacibliyini vurğulayıb. Bu məqsədlə bioetika və biotexnologiya sahələri üçün möhkəm hüquqi baza yaradılacaq. Harvard Tibb Məktəbi ilə əməkdaşlıqda irsi xəstəliklər üzrə mütəxəssislər hazırlanacaq və genetik müayinə tətbiq ediləcək.

Respublika təcili yardım mərkəzində neyrocərrahiyyə üzrə güclü məktəbin formalaşdığı və onun təcrübəsinin regionlara çatdırılması zərurəti bildirilib. Bunun üçün cərrah, anestezioloq, reanimatoloq, assistent və tibb bacılarından ibarət komandalar yerlərə göndəriləcək. Tibb qrupları mərkəzlərdə 3-4 aylıq staj keçəcək.