Түрікменстанда жаңартылатын энергия саласында оқу семинары өтті

Қазан айының 28-і күні Түрікменстанның Мемлекеттік энергетика институтында неміс мамандарының қатысуымен «Жаңартылатын энергия көздері және энергияны сақтау жүйелері» тақырыбында оқу семинары өтті. Іс-шара Германияның Халықаралық ынтымақтастық қоғамының (GIZ) «Орталық Азиядағы жаңартылатын энергия» (RECA) жобасы аясында ұйымдастырылды.

Семинардың негізгі мақсаты Түрікменстанның Мемлекеттік энергетика институты мен неміс серіктестері арасында энергетика саласындағы тәжірибе алмасуды дамыту, сондай-ақ жоғары оқу орны мамандарының жаңартылатын энергия көздері бойынша білім деңгейі мен кәсіби дағдыларын арттыру болды.

Іс-шара барысында RECA жобасының негізгі міндеттері және институттың жаңартылатын энергия көздері мен энергияны сақтау жүйелеріндегі мүмкіндіктерін дамытуға арналған баяндамалар тыңталды. Еуропалық жаңартылатын энергия академиясының (RENAC) өкілдері және GIZ мамандары да егжей-тегжейлі баяндама жасады. Семинарда фотоэлектрлік күн электр стансаларының технологиялары, энергияны сақтау жүйелері, энергетика жүйесінің икемділігі мен тұрақтылығы, сондай-ақ жаңартылатын энергия көздерін тиімді пайдалану мәселелері талқыланды. Тараптар болашақ ынтымақтастықты дамыту жоспарлары туралы пікір алмасты.