Тоқаев хуситтердің Сауд Арабиясына шабуылдарын айыптады

Президент Қасым-Жомарт Тоқаев Түркі мемлекеттері ұйымының 13-ші саммитінде сөйлеген сөзінде хуситтердің Сауд Арабиясына шабуылдарын айыптап, мұндай әрекеттерді тоқтатуға шақырды. Tengrinews.kz Ақордаға сілтеме жасап хабарлады.

Президент Режеп Тайип Ердоғанның бастамасымен ашылған Түркі мемлекеттері ұйымы аллеясын ерекше атап өтті. Ол әлемдегі геосаяси жағдай ушығып бара жатқанын, әсіресе Ормуз бұғазы төңірегіндегі текетірестің сауда-экономикалық және көлік-логистикалық байланыстарға кері әсер етіп жатқанын айтты. Қазақстанның бауырлас Сауд Арабиясына қарсы негізсіз шабуылға наразылық білдіргенін мәлімдеді.

Йеменде әрекет ететін қарулы топ «Ансар Алла» (хуситтер) Сауд Арабиясы қолдайтын үкіметшіл күштермен текетіресіп келеді. Иран хуситтерге қолдау көрсетеді. Тараптар арасындағы әскери қақтығыс төрт жылдық тыныштықтан кейін шілденің ортасында қайта жанданды. 28 қазанда хуситтер Сауд Арабиясының оңтүстігіндегі әуе базаларындағы әскери-көлік ұшақтарына, Қорғаныс министрлігі ғимаратына және шығыстағы Рас-Таннура мұнай өңдеу зауытына зымыранмен соққы бергенін мәлімдеді.