Түркі мемлекеттері ұйымында жаңа кезең: Түркия төрағалығын Әзірбайжаннан алады

Түркі мемлекеттері ұйымы (ТМҰ) Нахчыван келісімі жасалғаннан бері өткен 17 жыл ішінде өңірлік дағдарыстар мен соғыстарға қарамастан, институционалдық дамуын жалғастырып келеді. Түркияның төрағалықты Әзірбайжаннан қабылдауымен ұйым экономикалық, саяси және стратегиялық ынтымақтастықта жаңа кезеңге өтуі күтілуде.

Халықаралық қатынастар маманы Бұғра Бекір Ышылақ мүше және бақылаушы елдердің жалпы аумағы шамамен 4,8 млн шаршы шақырым, халқы 180 млн адам екенін атап өтті. Оның айтуынша, бұл елдердің жалпы ішкі өнімі шамамен 2,11 триллион доллар, сыртқы сауда көлемі 1,12 триллион доллар. Алдағы кезеңдегі басты міндет осы әлеуетті нақты нәтижелерге айналдыру болмақ.

Анкарада 30 қазанда өткен ТМҰ-ның 13-ші саммитінде бас хатшылық қызметінде өзгеріс болды. Қырғызстандық Кубанычбек Өмүралиевтің орнына өзбекстандық Мирвахид Азимов келді. Ышылақ сондай-ақ Өзбекстан Президенті Шавкат Мирзиёевтің 100 бірлескен инвестициялық және өнеркәсіп жобасы ұсынысы экономикалық ынтымақтастықты одан әрі алға жылжыта алатынына назар аударды.