Сердар Бердімұхамедовке Хаджеттепе университетінің құрметті доктор атағы берілді

Түркменстанның Ұлттық көшбасшысы, Халық Мәслихатының төрағасы Гурбангулы Бердімұхамедов Түркменстан Президенті Сердар Бердімұхамедовті Хаджеттепе университетінің «Халықаралық қатынастар саласындағы құрметті доктор» академиялық дәрежесін алуымен және Түркияның Сыртқы экономикалық байланыстар кеңесінің (DEIK) «Стратегиялық достық» белгісімен марапатталуымен құттықтады. Марапаттар Сердар Бердімұхамедовтің Түркияға жұмыс сапары барысында, Түркі мемлекеттерінің ұйымы мемлекет басшыларының XIII саммитіне қатысу аясында берілді.

Хатта Түркия Түркменстанның ірі сауда серіктестерінің бірі екені атап өтіледі. DEIK белгісі екі ел арасындағы сауда, кәсіпкерлік және инвестициялық белсенділікті арттыруға, ірі бірлескен жобаларды жүзеге асыруға қосылған үлес үшін жоғары бағаланған. Түркия Түркменстан тәуелсіздігін ресми мойындаған алғашқы мемлекет ретінде аталып, екі ел «Бір ұлт – екі мемлекет» қағидатын ұстанатыны айтылады.

Хатта Түркияда мыңдаған түркмен жастарының білім алатыны және ғылыми-академиялық байланыстардың тұрақты сипатқа ие екені де жазылған. Соңында Сердар Бердімұхамедовке денсаулық, ұзақ өмір және жұмыста табыс тілектері білдірілген.