Түркменстан Брюссельдегі Орталық Азия – ЕО форумына қатысты

31 қазанда Бельгияның Брюссель қаласында «Орталық Азия – Еуропалық одақ: өзгеріп жатқан әлемде ынтымақтастықтың трансформациясы» атты стратегиялық институттардың алғашқы форумы өтті. Іс-шараны ЕО Орталық Азия жөніндегі арнайы өкілінің кеңсесі мен ЕО Қауіпсіздік зерттеулері институтының қолдауымен ұйымдастырылды.

Форумға Түркменстан Сыртқы істер министрлігінің кеңесшісі Батыр Ниязлиев пен елші Сапар Пальванов қатысты. Кездесудің басты мақсаты сарапшылар деңгейіндегі диалогты нығайту және 2025 жылдың сәуірінде Самарқандта өткен Орталық Азия – ЕО алғашқы саммитінің нәтижелері негізінде стратегиялық ынтымақтастықты дамытуға арналған нақты ұсыныстар әзірлеу болды.

Форумда халықаралық қауіпсіздік, сауда-экономикалық ынтымақтастық, көлік және энергетикалық байланыс, инвестиция тарту, цифрландыру, білім және қоғамдық дипломатия мәселелері талқыланды. Түркмен тарапы Каспийүсті халықаралық көлік дәлізін дамытуға, түркмен табиғи газын Еуропа нарығына жеткізу мүмкіндіктеріне және Түркменбаші халықаралық теңіз портының маңыздылығына назар аударды. Түркменстанның 2027 жылы Орталық Азия – ЕО экономикалық форумын өткізу бастамасы да атап өтілді.