Эрдоган 8-ноябрда Азербайжандын Жениш күнүнө карата Бакуга сапар жасоону пландап жатат

Түркиянын Президенти Режеп Тайып Эрдоган 8-ноябрда Азербайжандын Жениш күнүнө карата Бакуга сапар жасоону пландап жатканын билдирди. Ал бул тууралуу Түштүк Кореяга сапарынан кайтып жатканда журналисттерге айтты.

Бул билдирүү соңку күндөрү Азербайжан менен Түркиянын мамилелери талкууланып жаткан учурга туш келди. Эл аралык басма сөздө эки өлкөнүн ортосунда айрым пикир келишпестиктер бар экени тууралуу маалымат таралган. Эрдоган Азербайжан менен мамилелер жалпы тарыхка, маданиятка жана бир туугандыкка негизделгенин баса белгилеп, сапар учурунда зарыл кадамдар жасалат деп үмүттөнөрүн айтты.

Modern.az басылмасына пикир билдирген азербайжандык депутат Джаваншир Фейзиев «өлкөлөрдүн ортосундагы пикир келишпестик» деген сөздү туура эместигин айтты. Анын сөзүнө караганда, Азербайжан Министрлер Кабинетинин баш жоолукка байланыштуу чечимине эки өлкөдө тең бирдей пикир жок, талкуу өлкөлөрдүн ортосунда эмес, жарандык коомдордун ичинде жүрүп жатат. Ал Эрдогандын Жениш күнүнө келиши бир туугандыктын жана ынтымакташтыктын бекем экенин көрсөтөт деп белгилеп, Гейдар Алиевдин «бир эл — эки мамлекет» формуласын жана 2021-жылкы Шуша декларациясын эскерткен.