Түркмөнстанда манаттын 33 жылдыгына илимий-практикалык конференция өтөт

Түркмөнстанда улуттук валюта манаттын айлымага киргизилгенине 33 жыл толушуна карата илимий-практикалык конференция өтөт. Конференциянын темасы — «Улуттук манат — жаңы тарыхый доордо тез өнүгүүнүн негизи». Министрлер Кабинетинин ишемби күнү санариптик форматта өткөн отурумунда вице-премьер Ходжамырат Гелдимырадов иш-чарага даярдык жөнүндө баяндама жасады. Бул тууралуу Түркмөнстандын расмий массалык маалымат каражаттары кабар берди.

Баяндамага ылайык, конференцияда катышуучуларга Президент Сердар Бердымухамедовдун социалдык-экономикалык өнүгүү боюнча демилгелери жана банк тармагындагы кеңири масштабдуу өзгөрүүлөр тааныштырылат. Ошондой эле эл аралык финансылык түзүмдөр менен кызматташтыкты андан ары бекемдөө маселелери талкууланат. Ушуга байланыштуу вице-премьер тиешелүү сунушту мамлекет башчысынын карап чыгуусуна берди.

Баяндаманы угуп алган мамлекет башчысы вице-премьерге манаттын айлымага киргизилгенине 33 жыл толушуна арналган конференцияга тийиштүү даярдык көрүүнү тапшырды.