Түрікменстанда манаттың 33 жылдығына ғылыми-практикалық конференция өтеді

Түрікменстанда ұлттық валюта манаттың айналысқа енгізілгеніне 33 жыл толуына орай ғылыми-практикалық конференция өтеді. Конференцияның тақырыбы — «Ұлттық манат — жаңа тарихи дәуірдегі жедел дамудың негізі». Министрлер Кабинетінің сенбі күні цифрлық форматта өткен отырысында вице-премьер Ходжамырат Гелдимырадов іс-шараға дайындық туралы баяндады. Бұл туралы Түрікменстанның ресми БАҚ хабарлады.

Баяндамаға сәйкес, конференцияда қатысушыларға Президент Сердар Бердімұхамедовтың әлеуметтік-экономикалық дамуға бағытталған бастамалары мен банк саласындағы ауқымды өзгерістер таныстырылады. Сондай-ақ халықаралық қаржы құрылымдарымен ынтымақтастықты одан әрі нығайту мәселелері талқыланады. Осыған байланысты вице-премьер тиісті ұсынысты мемлекет басшысының қарауына ұсынды.

Баяндаманы тыңдаған мемлекет басшысы вице-премьерге манаттың айналысқа енгізілгеніне 33 жыл толуына арналған конференцияға тиісінше дайындалуды тапсырды.