Мирзиёев АКШ мамлекеттик катчысы Марко Рубиону кабыл алды

Мамлекет башчысы Шавкат Мирзиёев 19-октябрда АКШ мамлекеттик катчысы Марко Рубиону кабыл алды. Рубио C5+1 форматындагы министрлер жыйынына жана Америка–Өзбекстан бизнес жана инвестиция кеңешинин экинчи жыйынына катышуу үчүн өлкөгө келген. Жолугушуунун башында Рубио АКШ Президенти Дональд Трамптын жылуу саламдарын жана эң жакшы каалоолорун жеткирди.

Негизги көңүл Өзбекстан–АКШ стратегиялык шериктигин андан ары бекемдөөгө жана жогорку деңгээлде жетишилген макулдашууларды ырааттуу ишке ашырууга бурулду. C5+1 министрлер жолугушуусунун жыйынтыктары жогору бааланды. Саясат жана коопсуздук, соода жана инвестициялар, инновация жана технологиялар, билим берүү жана маданият тармактарында эки тараптуу кызматташтыктын жанданганы белгиленди.

Коопсуздук тармагында терроризмге, экстремизмге, наркотикалык заттардын мыйзамсыз жүгүртүлүшүнө жана мыйзамсыз миграцияга каршы күрөш бекемделүүдө. Жылдын башынан бери өлкөлөрдүн товар алмашуу көлөмү 35 пайызга өстү. Бизнес жана инвестиция кеңешинин бүгүнкү жыйынында 12 миллиард доллардык жаңы макулдашууларга жетишилди. Космосту тынч максаттарда өздөштүрүү боюнча «Артемида» макулдашуулары да кол коюлду.