Өзбек компаниялары АКШ экономикасына инвестиция сала башташты — Мирзиёев

Өзбекстандын президенти Шавкат Мирзиёев өзбек компаниялары АКШ экономикасына инвестиция сала башташканын билдирди. Ал муну 19-октябрда Самаркандда өткөн Америка-Өзбек ишкердик жана инвестициялык кеңешинин экинчи жыйынынын ачылышында айтты. Президенттин пресс-кызматынын маалуматына ылайык, иш-чарага АКШнын Мамлекеттик катчысы Марко Рубио, АКШ президентинин атайын элчиси Серджио Гор жана алдыңкы америкалык компаниялар менен банктардын өкүлдөрү катышты.

Мирзиёев Өзбекстанда Америка капиталы менен иштеген жүздөгөн компания бар экенин жана мамлекет алар менен өнөр жай, энергетика, транспорт, айыл чарба, билим берүү жана жаңы технологиялар боюнча кызматташып жатканын белгиледи. Тараптар болжол менен 12 миллиард доллардык 54 макулдашуу жана келечектүү демилгелерден турган топтомду даярдады. Негизги багыттар катарында маанилүү минералдарды кайра иштетүү, энергетика, маалымат борборлору, жасалма интеллект жана санариптик чечимдер, ошондой эле билим берүү аныкталды. Өзбекстан “plug and play” моделине өтүүнү пландап жатат. Мирзиёев 2035-жылга чейин соода-инвестициялык жана технологиялык кызматташтык программасын иштеп чыгууну сунуштады.