Өзбекстанда банкроттуктун алдындагы ишкерлерге атайын эсептер ачылат

Өзбекстандын Борбордук банкы банкроттук процедурасынан өтүп жаткан ишкерлердин банк эсептери менен иштөө эрежелерин өзгөрттү. Эми мындай ишкерлер үчүн реабилитация, тышкы башкаруу же бизнести жоюу учурунда каражаттарды башкарууга мүмкүндүк берген атайын эсептер ачылат.

Жаңы эрежелерге ылайык, негизги жана кошумча эсептердеги бардык операциялар токтотулуп, акча жаңы атайын эсепке которулат. Каражаттарды жалгыз гана кардардын же соттун башкаруучусунун төлөм тапшырмасынын негизинде пайдалануга болот. Бул чаралар банк процедураларын жөнөкөйлөтүүгө жана кризиске дуушар болгон ишкерлерге каржылык көзөмөлдү сактап, ишмердүүлүктү калыбына келтирүүгө жардам берүүгө багытталган.

Өзгөрүүлөр жөнөкөй жарандарга да тиешелүү. Эми бардык банк эсептери боюнча маалыматты негизги эсеп ачылган банктан тышкары каалаган банктан алууга болот. Ошондой эле эсеп ачканда чет өлкөгө саякат үчүн биометриялык паспортту колдонууга уруксат берилген. Салык төлөөчүлөрдүн эсептерин бөгөттөө тартиби да өзгөрдү: салык органынын чечими менен макул болбогон ишкер каршылык билдире алат, ал эми сот аны үч күндүн ичинде карап чыгышы керек.