Özbəkistanda iflas prosesindəki sahibkarlar üçün xüsusi hesablar açılacaq

Özbəkistan Mərkəzi Bankı iflas prosesindən keçən sahibkarların bank hesablarına dair qaydaları dəyişdi. Artıq bu sahibkarlar üçün reabilitasiya, xarici idarəetmə və ya biznesin ləğvi zamanı vəsaitlərin idarə olunacağı xüsusi hesablar açılacaq.

Yeni qaydalara görə, əsas və əlavə hesablar üzrə bütün əməliyyatlar dayandırılacaq və pullar yeni xüsusi hesaba köçürüləcək. Bu vəsaitlərdən yalnız müştərinin və ya məhkəmə idarəçisinin ödəniş tapşırığı əsasında istifadə etmək mümkün olacaq. Tənzimləmələrin bank prosedurlarını sadələşdirmək və böhran içində olan sahibkarların maliyyə nəzarətini qorumasına və fəaliyyətini bərpa etməsinə kömək etmək məqsədi daşıdığı bildirilib.

Dəyişikliklər adi vətəndaşlara da təsir edir. İndi bütün bank hesabları barədə məlumatı əsas hesabın olduğu bankdan başqa istənilən bankda almaq mümkündür. Bundan əlavə, hesab açarkən xaricə səyahət üçün biometrik pasportdan istifadəyə icazə verilib. Eyni zamanda vergi ödəyicilərinin hesablarının bloklanma qaydası da dəyişib: vergi orqanının qərarı ilə razılaşmayan sahibkar etiraz verə bilər və məhkəmə bunu üç gün ərzində nəzərdən keçirməlidir.