Эрдоган: Биз тынчтыкка жол ачуу үчүн аракет кылып жатабыз

Түркия Республикасынын Президенти Режеп Тайип Эрдоган, Тышкы иштер министри Хакан Фидандын демилгесинде Стамбулда өткөн 9-Стамбул делдалдык конференциясына видеокабар жөнөттү. «Тынчтык үчүн өнөктөштүк жана жаңы перспективалар: өзгөрүп жаткан дүйнөдө делдалдык» темасындагы конференция Hilton Istanbul Bomonti Otel жана Конференц-борборунда өттү.

Эрдоган дүйнөдө глобалдык конфликттердин күчөп, чыңалуунун өсүп, эл аралык укук жана институттарга ишенимдин азайып жаткан доорду башынан өткөрүп жатканын айтты. Ал Түркиянын тараптар сүйлөшпөй, үмүт үзүлүп жаткан учурда да дипломатиядан баш тартпай турганын белгилеп, Россия менен Украинанын ортосундагы туткундарды алмашууну жана Африка материгиндеги делдалдык аракеттерин мисал келтирди.

Эрдоган быйыл БУУнун Бас Ассамблеясы «Ишенимди калыбына келтирүү» темасы менен өткөнүн эскертти. Палестинада, Ливанда, Суданда жана башка кризис аймактарында миллиондогон адамдар терең көңүлү калганын айтты. Ал 190дон ашык өлкөнүн эрки беш өлкөнүн каалоосуна көз каранды түзүлүш адилеттүү боло албай, ишенимди толук орноте албайт деп эсептейт. Түркиянын тараптарды тынчтык үчүн бириктирүүнү жана адилеттүү чечимдер үчүн делдалдык кылууну улантаарын билдирди.