Ərdoğan: Sülh yolunu açmaq üçün səy göstəririk

Prezident Rəcəb Tayyib Ərdoğan, Xarici İşlər naziri Hakan Fidanın ev sahibliyi ilə İstanbulda keçirilən 9-cu İstanbul Vasitəçilik Konfransına video mesaj göndərib. “Sülh üçün tərəfdaşlıqlar və yeni perspektivlər: dəyişən dünyada vasitəçilik” mövzusu ilə təşkil olunan konfrans Hilton İstanbul Bomonti Otel və Konfrans Mərkəzində baş tutub.

Ərdoğan qlobal miqyasda münaqişələrin artdığı, gərginliyin dırmandığı və beynəlxalq hüquqa və qurumlara inamın sarsıldığı bir dövrdən keçdiyini bildirib. O, Türkiyənin çətin zamanlarda belə diplomatiyadan əl çəkmədiyini vurğulayaraq, Rusiya ilə Ukrayna arasında məhbus mübadilələrini və Afrika qitəsindəki vasitəçilik səylərini nümunə göstərib.

Ərdoğan bu il Birləşmiş Millətlər Təşkilatının Baş Assambleyasının “İnamın bərpası” mövzusu ilə keçirildiyini xatırladıb. 190-dan çox ölkənin iradəsinin 5 ölkənin istəyindən asılı olduğu quruluşun nə ədalətli, nə də inamı tam təmin edə biləcəyini deyib. Türkiyənin etimadsızlıq üzərində qurulan beynəlxalq siyasət anlayışını qəbul etmədiyini bildirən Ərdoğan, tərəfləri sülh üçün bir araya gətirməyə və vasitəçilik etməyə davam edəcəklərini ifadə edib.