Ердоған: Біз бейбітшілікке жол ашуға тырысып жатырмыз

Түркия Республикасының Президенті Режеп Тайып Ердоған Сыртқы істер министрі Хакан Фидан ұйымдастырған 9-шы Стамбұл делдалдық конференциясының қатысушыларына бейнехабарлама жіберді. «Бейбітшілік үшін серіктестіктер және жаңа перспективалар: өзгеріп жатқан әлемдегі делдалдық» тақырыбындағы конференция Хилтон Стамбул Бомонти қонақүйі және конференц-орталығында өтті.

Ердоған жаһандық деңгейде қақтығыстардың өсіп, шиеленістің күшейіп, халықаралық құқыққа және институттарға деген сенімнің әлсіреп жатқан кезеңде екенін айтты. Оның айтуынша, Түркия тараптар бір-бірімен сөйлеспей, үміт азайған кезде де дипломатиядан бас тартпайды. Ол Ресей мен Украина арасындағы тұтқын алмасуды және Африка құрлығындағы делдалдық күш-жігерді мысал келтірді.

Ердоған биыл БҰҰ Бас Ассамблеясының «Сенімді қайта орнату» тақырыбымен өткенін еске салды. Палестинада, Ливанда, Суданда және басқа дағдарыс аймақтарындағы миллиондаған адамдардың үмітінің үзілгенін айтты. Ол 190-нан астам елдің еркі 5 елдің қалауына байланысты болатын құрылымның әділ бола алмайтынын және сенімді толық қалыптастыра алмайтынын атап өтті. Түркия тараптарды бейбітшілік үшін бір үстелге жинауды және әділ шешімдер үшін делдалдық етуді жалғастыратынын мәлімдеді.