Erdoʻgʻan: Tinchlik yoʻlini ochish uchun harakat qilyapmiz

Turkiya Respublikasi Prezidenti Rajab Toyyib Erdoʻgʻan Tashqi ishlar vaziri Hakan Fidan tashkilotchiligida Istanbulda oʻtkazilgan 9-Istanbul Vositachilik konferensiyasiga video xabar yoʻllagan. “Tinchlik uchun hamkorliklar va yangi istiqbollar: oʻzgaruvchan dunyoda vositachilik” mavzusidagi konferensiya Hilton Istanbul Bomonti Otel va Konferensiya markazida boʻlib oʻtdi.

Erdoʻgʻan dunyoda ziddiyatlar kuchayib, keskinlik ortib, xalqaro huquq va institutlarga ishonch susayayotgan davrdan oʻtilayotganini aytdi. Turkiya qiyin paytlarda ham diplomatiyadan voz kechmasligini taʼkidlab, Rossiya va Ukraina oʻrtasidagi asir almashinuvlari hamda Afrikadagi vositachilik saʼy-harakatlarini misol keltirdi.

Erdoʻgʻan bu yil BMT Bosh Assambleyasi “Ishonchni qayta tiklash” mavzusida oʻtkazilganini eslatib, 190 dan ortiq davlat irodasi 5 davlat xohishiga bogʻliq boʻlgan tuzilma adolatli boʻla olmasligini va ishonchni toʻliq taʼminlay olmasligini aytdi. Turkiya ishonchsizlik ustiga qurilgan xalqaro siyosatni qabul qilmasligini bildirgan Erdoʻgʻan, tomonlarni tinchlik uchun bir stolga yigʻish va vositachilik qilishni davom ettirishini taʼkidladi.