Азербайжан Түрк инвестициялык фондунун башкаруучулар кеңешинин төрагалыгын алды

Азербайжан кийинки жылдык жыйынга чейин Түрк инвестициялык фондунун башкаруучулар кеңешинин төрагалыгын аткарат. Бул тууралуу Азербайжандын Экономика министрлиги Ташкентте фонддун башкаруучулар кеңешинин отуруусунан кийин билдирди. Отурушта кабыл алынган чечимге ылайык, Венгрия кеңештин төраганын орун басары болуп дайындалды.

Отурушта катышуучулар фонддун ишмердигин кеңейтүү жана мүчө мамлекеттер ортосундагы инвестициялык кызматташтыкты бекемдөө маселелерин талкуулашты. Алар фонддун Түрк дүйнөсүндө экономикалык интеграцияны тереңдетүүдөгү, өз ara инвестицияларды жана биргелешкен долбоорлорду илгерилетүүдөгү ролун баса белгилешти. Ошондой эле фонддун ишин уюштуруу, каржылоо мүмкүнчүлүктөрүн кеңейтүү жана эл аралык финансылык институттар менен кызматташтыкты өнүктүрүү маселелери каралды.

Азербайжандын Экономика министринин биринчи орун басары Элнур Алиев өлкөнүн өнөктөш мамлекеттер менен эки тараптуу инвестициялык фондторду түзүү тажрыйбасын тааныштырды. Ал Түрк инвестициялык фонду менен ушул институттардын ортосундагы байланышты бекемдөөнү жана биргелешкен каржылоо механизмдерин түзүүнү сунуштады.