Azərbaycan Türk İnvestisiya Fondu İdarə Heyətinin sədrliyini öz üzərinə götürdü

Azərbaycan Növbəti illik iclasa qədər Türk İnvestisiya Fondu İdarə Heyətinin sədrliyini öz üzərinə götürüb. Bu barədə Azərbaycan İqtisadiyyat Nazirliyi Daşkənddə keçirilən fondun İdarə Heyətinin iclasından sonra məlumat verib. İclasda qəbul edilən qərara əsasən, Macarıstan İdarə Heyətinin sədr müavini təyin edilib.

İclas iştirakçıları Türk İnvestisiya Fondunun fəaliyyətinin genişləndirilməsini və üzv dövlətlər arasında investisiya əməkdaşlığının gücləndirilməsini müzakirə ediblər. Onlar fondun Türk dünyasında iqtisadi inteqrasiyanın dərinləşdirilməsində, qarşılıqlı investisiyaların və birgə layihələrin həyata keçirilməsində rolunu vurğulayıblar. Həmçinin fondun təşkilati fəaliyyəti, maliyyələşmə imkanlarının genişləndirilməsi və beynəlxalq maliyyə təşkilatları ilə əməkdaşlığın inkişafı müzakirə olunub.

İqtisadiyyat nazirinin birinci müavini Elnur Əliyev ölkənin tərəfdaş ölkələrlə ikitərəfli investisiya fondlarının yaradılması təcrübəsini təqdim edib. O, Türk İnvestisiya Fondu ilə həmin institutlar arasında əlaqələrin gücləndirilməsini və birgə maliyyələşmə mexanizmlərinin yaradılmasını təklif edib.