Казакстанда участкалык дарыгерлердин айлыгы 760 миң теңгеге чейин көтөрүлөт

Казакстанда болжол менен 77 миң участкалык медициналык кызматкерге үзгүлтүксүз эмгек стажы үчүн кошумча төлөмдөр берилүүсү пландалууда. Бул жөнүндө Президент Касым-Жомарт Токаев Казакстан элине Жолдоосунда билдирди. Маалыматты Tengri Health Саламаттык сактоо министрлигинин басма сөз кызматына шилтеме кылып таратты.

Министрликтин сунушу боюнча, төлөмдүн өлчөмү стажга жараша болот: эки жылдан ашык стажы бар адамдарга расмий айлыктын 20 пайызы, үч жылдан ашык стажы бар адамдарга 30 пайызы, беш жылдан ашык стажы бар адамдарга 50 пайызы төлөнөт. Акыркы сумма расмий айлыкка жана жумуш ордуна жараша болот. Министрликтин маалыматы боюнча, айылдык жерде эң узун стажы бар жалпы практика дарыгерлеринин айлыгы 534 миңден 760 миң теңгеге, орто медициналык кызматкерлердики 284 миңден 401 миң теңгеге чейин өсүшү мүмкүн.

Шаарларда эң узун стажы бар жалпы практика дарыгеринин айлыгы 425 миңден 607 миң теңгеге чейин көтөрүлүшү мүмкүн. Президенттин тапшырмасына ылайык, өкмөт участкалык кызмат адистеринин айлыгын киелүү жылдын 1-январынан баштап көтөрүшү керек.