Қазақстанда учаскелік дәрігерлердің жалақысы 760 мың теңгеге дейін өседі

Қазақстанда шамамен 77 мың учаскелік медициналық қызметкерге үздіксіз еңбек стажы үшін қосымша төлемдер берілуі жоспарлануда. Бұл туралы Президент Қасым-Жомарт Тоқаев Қазақстан халқына Жолдауында мәлім етті. Ақпаратты Tengri Health Денсаулық сақтау министрлігінің баспасөз қызметіне сілтеме жасап таратты.

Министрліктің ұсынысы бойынша төлем мөлшері стажға байланысты болады: екі жылдан астам стажы бар адамдарға ресми жалақының 20 пайызы, үш жылдан астам стажы бар адамдарға 30 пайызы, бес жылдан астам стажы бар адамдарға 50 пайызы төленеді. Соңғы сома ресми жалақыға және жұмыс орнына байланысты болады. Министрлік деректері бойынша, ауылдық жерде ең ұзақ стажы бар жалпы тәжірибелі дәрігерлердің жалақысы 534 мың теңгеден 760 мың теңгеге, орта медициналық қызметкерлердің жалақысы 284 мыңнан 401 мың теңгеге дейін өсуі мүмкін.

Қалаларда ең ұзақ стажы бар жалпы тәжірибелі дәрігердің жалақысы 425 мыңнан 607 мың теңгеге дейін көтерілуі мүмкін. Президенттің тапсырмасына сәйкес, үкімет учаскелік қызмет мамандарының жалақысын келесі жылдың 1 қаңтарынан бастап көтеруі тиіс.