Qazaxıstanda birinci səviyyə həkimlərinin maaşı 760 min tengəyə qədər artacaq

Qazaxıstanda təxminən 77 min birinci səviyyə tibb işçisinin davamlı iş stajına görə əlavə ödəniş alması planlaşdırılır. Bu barədə Dövlət Başçısı Qasım-Comert Tokayev Qazaxıstan xalqına Müraciətində məlumat verib. Məlumat Sağlamlıq Nazirliyinin mətbuat xidmətinə istinadən Tengri Health tərəfindən yayılıb.

Nazirliyin təklifinə görə, əlavə ödəniş dərəcələri staja görə müəyyənləşdiriləcək: iki ildən çox staj olanlara rəsmi maaşın 20 faizi, üç ildən çox olanlara 30 faizi, beş ildən çox olanlara isə 50 faizi veriləcək. Yekun məbləğ rəsmi maaşdan və iş yerindən asılı olacaq. Nazirliyin məlumatına görə, kənd yerlərində ən uzun staja malik ümumi praktika həkimlərinin maaşı 534 min tengədən 760 min tengəyə, orta tibb personelinin maaşı isə 284 min tengədən 401 min tengəyə qalxa bilər.

Şəhərlərdə ən uzun staja malik ümumi praktika həkimlərinin maaşının 425 min tengədən 607 min tengəyə yüksəlməsi planlaşdırılır. Prezidentin tapşırığına əsasən, hökumət birinci səviyyə işçilərinin maaşlarını gələn ilin 1 yanvarından artırmalıdır.