Ozarbayjonda 2027-yil byudjet siyosatining asosiy yoʻnalishlari eʼlon qilindi

Ozarbayjon moliya vaziri Sohil Boboyev 4-noyabr kuni Bokuda parlamentning Iqtisodiy siyosat, sanoat va tadbirkorlik qoʻmitasi majlisida “Ozarbayjon Respublikasining 2027-yil davlat byudjeti toʻgʻrisida”gi qonun loyihasini birinchi oʻqishda taqdim etar ekan, 2027-yil uchun byudjet siyosatining asosiy yoʻnalishlari va tamoyillari haqida maʼlumot berdi.

U byudjet siyosati barqaror iqtisodiy oʻsishni qoʻllab-quvvatlash, makroiqtisodiy barqarorlikni saqlash, aholi farovonligini oshirish va ijtimoiy tadbirlarni toʻliq moliyalashtirish, mudofaa qobiliyati va xavfsizlikni mustahkamlash, Qarabogʻ va Sharqiy Zangezur iqtisodiy rayonlarini rivojlantirish, raqamli texnologiya va innovatsiyalarni keng joriy etish, taʼlim va sogʻliqni saqlash sohalarini qoʻllab-quvvatlashga qaratilganini aytdi. Shuningdek, moliyaviy intizamni saqlagan holda byudjet qoidasiga amal qilish, byudjet xarajatlarini Davlat Gʻaznachiligi orqali maqsadli va samarali ijro etish hamda real sektorni yanada jadal rivojlantirish koʻzda tutilgan.