Azərbaycanda 2027-ci il büdcə siyasətinin əsas istiqamətləri açıqlanıb

Maliyyə naziri Sahil Babayev noyabrın 4-də Bakıda, parlamentin İqtisadi siyasət, sənaye və sahibkarlıq komitəsinin iclasında “Azərbaycan Respublikasının 2027-ci il dövlət büdcəsi haqqında” qanun layihəsini birinci oxunuşda təqdim edərkən 2027-ci il üzrə büdcə siyasətinin əsas istiqamətləri və prinsipləri barədə məlumat verib.

O bildirib ki, büdcə siyasəti dayanıqlı iqtisadi artımın dəstəklənməsi, makroiqtisadi sabitliyin qorunması, əhalinin rifahının yüksəldilməsi və sosial tədbirlərin tam maliyyələşdirilməsi, müdafiə qabiliyyətinin və təhlükəsizliyin gücləndirilməsi, Qarabağ və Şərqi Zəngəzur iqtisadi rayonlarının inkişafı, rəqəmsal texnologiyaların və innovasiyaların tətbiqinin genişləndirilməsi, təhsil və səhiyyə sektorlarının inkişafının dəstəklənməsi üzərinə qurulub. Fiskal intizamın qorunması şərtilə büdcə qaydasına əməl edilməsi, büdcə xərclərinin dövlət xəzinədarlığı vasitəsilə ünvanlı və səmərəli icrası, eləcə də real sektorun inkişafının daha da sürətləndirilməsi nəzərdə tutulur.