Sadir Japarov «Gazprom»ga gaz tarmogʻini milliylashtirish bilan tahdid qildi

Qirgʻiziston prezidenti Sadir Japarov, agar Rossiyaning «Gazprom» kompaniyasi gazlashtirish majburiyatlarini bajarmasa, mamlakat gaz tizimini davlat nazoratiga qaytarishi mumkinligini aytdi. U bu haqda 3-noyabr kuni Talas viloyatining Aytmatov va Manas tumanlari aholisi bilan uchrashuvda maʼlum qildi.

Davlat rahbari 2013-yilda gaz tizimi Rossiya kompaniyasiga ramziy bir dollarga sotilganini va kelishuv taxminan 2039-yilgacha amal qilishini eslatdi. Uning soʻzlariga koʻra, Qirgʻiziston hududini mustaqil ravishda gazlashtira olmaydi: barcha masalalarni tizim egasi boʻlgan «Gazprom» bilan kelishish kerak. U soʻnggi ikki-uch yil davomida bu majburiyatlarni bajarish masalasini koʻtarib kelayotganini aytdi.

Japahov kompaniya vakillariga «Qumtor» kabi tizimni tortib olib, oʻzi gazlashtirishni amalga oshirishini aytganini maʼlum qildi. «Qumtor» 2021-yilda Kanadaning Centerra Gold kompaniyasi bilan uzoq davom etgan bahsdan soʻng davlat nazoratiga oʻtgan oltin koni. Gazprom hozircha izoh bermadi.