Pensiya aktivlarining 30 foizigacha qismi xususiy boshqaruvchilarga berilishi rejalashtirilmoqda

Qozogʻistonda mahalliy xususiy kompaniyalar boshqaradigan pensiya aktivlarining ulushini 2030-yilga borib 20–30 foizga yetkazish rejalashtirilmoqda. Moliya bozorini tartibga solish va rivojlantirish agentligi bu Milliy bank bilan birgalikda ishlab chiqilgan 2030-yilgacha kapital bozorini rivojlantirish dasturining bir yoʻnalishi ekanini bildirdi.

Milliy bankning pensiya portfelining bir qismi bosqichma-bosqich, avval davlat qimmatli qogʻozlaridan boshlab, tanlov asosida litsenziyalangan boshqaruvchilarga beriladi. Xatarlarni boshqarish, ichki nazorat va axborotni oshkor qilish boʻyicha yagona talablar joriy etiladi; mustaqil kastodian aktivlarni boshqaruvchilarning oʻz mablagʻlaridan alohida saqlaydi.

Milliy bank raisi Timur Suleymenov 4-sentyabrda pensiya aktivlarini bosqichma-bosqich xususiy boshqaruvchilarga berish rejalari haqida gapirib, buning uchun qonunchilikka oʻzgartirishlar kerakligini aytgan. Uning soʻzlariga koʻra, «2027-yil oxiriga borib bu yondashuvni amalda joriy etishimiz mumkin». Natijalar har oy baholanadi; daromadlilik past boʻlsa, aktivlar boshqa boshqaruvchiga oʻtkaziladi.