Зейнетақы активтерінің 30%-ға дейіні жеке басқарушыларға беру жоспарланып отыр

Қазақстанда отандық жеке компаниялар басқаратын зейнетақы активтерінің үлесін 2030 жылға қарай 20-30%-ға жеткізу жоспарланған. Қаржы нарығын реттеу және дамыту агенттігі бұл Ұлттық банкпен бірлесіп әзірленген 2030 жылға дейінгі капитал нарығын дамыту бағдарламасының бір бағыты екенін хабарлады.

Ұлттық банктің зейнетақы портфелінің бір бөлігі кезең-кезеңімен, алдымен мемлекеттік бағалы қағаздардан бастап, конкурстық негізде лицензиясы бар басқарушыларға беріледі. Тәуекелдерді басқару, ішкі бақылау және ақпаратты ашу бойынша бірыңғай талаптар енгізіледі; тәуелсіз кастодиан активтерді басқарушылардың өз қаражатынан бөлек сақтайды.

Ұлттық банк төрағасы Тимур Сүлейменов 4 қыркүйекте зейнетақы активтерін жеке басқарушыларға біртіндеп беру жоспарлары туралы айтып, бұл үшін заңнамалық өзгерістер қажет екенін атап өтті. Оның сөзінше, «2027 жылдың соңына таман бұл тәсілді іс жүзінде жүзеге асыра аламыз». Нәтижелер ай сайын бағаланады; табыстылық төмен болса, активтер басқа басқарушыға беріледі.