Oʻzbekiston va Xitoy shaharlar oʻrtasidagi aviareyslar sonini oshirishni rejalashtirmoqda

Oʻzbekiston Prezidenti Shavkat Mirziyoyev 17-oktabr kuni Xitoy Davlat kengashi premyeri Li Qyan boshchiligidagi delegatsiyani qabul qildi. Bu haqda Oʻzbekiston Prezidenti matbuot xizmati xabar berdi. Uchrashuvda har tomonlama strategik hamkorlikni mustahkamlash hamda ikki davlat rahbarlari 2026-yil avgustida Bishkekda erishgan kelishuvlarning bajarilishi muhokama qilindi.

Oʻzbekistonning «yagona Xitoy» siyosati va «uch yovuzlik» — terrorizm, separatizm va ekstremizmga qarshi kurash borasidagi pozitsiyasi oʻzgarmasligi tasdiqlandi. Tovar ayirboshlash barqaror oʻsayotgani, mustahkam kelishuvlarga asoslangan loyihalar portfeli 60 milliard dollarga yaqinlashgani va 6 mingdan ortiq qoʻshma korxona tashkil etilgani qayd etildi.

Tomonlar yashil energetika, kimyo sanoati, geologiya, avtomobilsozlik, metallurgiya, qishloq xoʻjaligi, raqamli texnologiyalar, sunʼiy intellekt va robototexnika sohalarida hamkorlikni kengaytirish muhimligini taʼkidladi. «Xitoy — Qirgʻiziston — Oʻzbekiston» strategik temir yoʻli qurilishi jadal davom etmoqda. Shuningdek, turizm, madaniyat va taʼlim sohasidagi almashinuvlar hamda ikki davlat shaharlari oʻrtasida aviareyslar sonini koʻpaytirish rejalari muhokama qilindi.