Astanada bu yil qanday yirik yoʻl loyihalari yakunlanadi

Astana shahri hokimi Jenis Qosimbek Instagram sahifasida bu yil taxminan 50 ta yoʻl obyektida ishlar olib borilayotgani va yil oxirigacha yana 15 kilometr yoʻl qurilishi haqida yozdi, deb xabar bermoqda Egemen.kz. Loyihalar shahardagi transport harakatini yaxshilash va gavjum yoʻnalishlardagi tirbandlikni kamaytirishga qaratilgan.

Mustaqillik koʻchasining Qobanboy botir xiyoboni bilan Husayn ibn Talol koʻchasi oraligʻidagi qismida yomgʻir kanalizatsiyasi, oqova suv liniyalari, kabel kanali, issiqlik va aloqa tarmoqlari hamda kanalizatsiya nasos stansiyasi qurilmoqda. Yoʻl qoplamasini yotqizish jadal davom etmoqda, noyabr oxirigacha uchastkaning bir tomonida transport harakati taʼminlanishi rejalashtirilgan.

N. Tilendiyev xiyoboni va Sh. Beysekova koʻchasi chorrahasida muhandislik kommunikatsiyalarining 90 foizi tugallangan, koʻprikning metall konstruksiyasi yigʻilgan. Hokim pudratchilarga belgilangan muddatlarga rioya qilish va sifatni taʼminlash topshirigʻini bergan.