Астанада биыл қандай ірі жол жобалары аяқталады

Астана қаласының әкімі Жеңіс Қасымбек Instagram парақшасында биыл шамамен 50 жол нысанында жұмыс жүріп жатқанын және жыл соңына дейін тағы 15 шақырым жол салынатынын жазды, деп хабарлайды Egemen.kz. Жобалар қаладағы көлік қозғалысын жақсартып, көлік жиі жүретін учаскелердегі кептелісті азайтуға бағытталған.

Қабанбай батыр даңғылынан Хусейн бен Талал көшесіне дейінгі Тәуелсіздік көшесінің учаскесінде нөсер кәрізі, шаруашылық-тұрмыстық кәріз желілері, кабель арнасы, жылу және байланыс желілері, сондай-ақ кәріз сорғы станциясы салынып жатыр. Жол төсемін салу жұмысы қарқынды жүріп жатыр, қараша айының соңына дейін учаскенің бір жағымен көлік қозғалысын қамтамасыз ету жоспарланған.

Н. Тілендиев даңғылы мен Ш. Бейсекова көшесінің қиылысында инженерлік коммуникацияларды тарту жұмысының 90%-ы аяқталды, көпірдің металл конструкциясы құрастырылды. Әкім мердігер ұйымдарға белгіленген мерзімдерді қатаң сақтап, тиісті сапада орындауды тапсырды.