Turkiy “oila” Anqarada muhim sammitga tayyorlanmoqda

Turkiya bu yil koʻplab xalqaro sammitlarga mezbonlik qildi. Endi Turkiy davlatlar tashkiloti (TDT) rahbarlari 29–30 oktyabrda Anqarada toʻplanadi. Turk rasmiylari “oila kengashi” deb ataydigan uchrashuvda muhim qarorlar qabul qilinishi kutilmoqda.

Aʼzo davlatlar – Ozarbayjon, Qozogʻiston, Qirgʻiziston va Oʻzbekiston hamda kuzatuvchi davlatlar – Vengriya, Shimoliy Kipr Turk Respublikasi va Turkmaniston prezidentlari ishtirok etishi kutilmoqda. TDT roʻtatsion raisligi Ozarbayjondan Turkiyaga oʻtadi. Prezident Rajab Toyyib Erdoʻgʻan Ilhom Aliyev va boshqa rahbarlar bilan ikki tomonlama uchrashuvlar oʻtkazadi.

Kun tartibida iqtisodiy va savdo aloqalari, transport va energetika bogʻlanishi, taʼlim va texnologiya sohasidagi hamkorlik turadi. TDT 2009-yilda Naxchivan bitimi bilan tashkil etilgan va 2021-yilda nomi oʻzgartirilgan.