Oʻzbekistonda kichik AES energobloklari uchun poydevor quyilishi 2026-yilda yakunlanadi

Oʻzbekistondagi atom elektr stansiyasining ikkita kichik energobloki uchun poydevor plitasiga beton quyishni 2026-yil oxirigacha yakunlash rejalashtirilgan. Bu haqda Rosatom bosh direktori Aleksey Lixachyov jurnalistlar bilan suhbatda, TASS xabariga koʻra, maʼlum qildi. Har biri 55 MVt quvvatga ega RITM-200 reaktorli energobloklar Jizzax viloyatidagi integratsiyalashgan AES loyihasi doirasida qurilmoqda.

Lixachyov qurilish maydoniga tashrif buyurdi. Rosatom maʼlumotiga koʻra, birinchi energoblokning poydevor plitasiga beton quyish 2026-yil 4-iyunda boshlangan. Reaktor binosi asosiga beton quyish davom etmoqda, ishlarda 25 birlik texnika ishtirok etmoqda. Birinchi energoblokning reaktor boʻlimi plitasini yakunlash uchun 10 000 kubometr beton talab qilinadi.

2027-yilda kichik energobloklarning reaktor korpusi, boshqaruv binosi va mashina zallari kabi asosiy binolarini qurish boshlanishi rejalashtirilgan. Integratsiyalashgan AES tarkibiga shuningdek, 1000 MVt quvvatli ikkita katta energoblok kiradi va loyiha quvvatiga chiqqach, stansiya yiliga 17,2 milliard kVt·soat elektr energiyasi ishlab chiqarishi kutilmoqda.