Kuchli tenge inflyatsiyani ushlab turadi, ammo doʻkon narxlarini tushirmaydi – Suleymenov

Qozogʻiston Milliy banki raisi Timur Suleymenovning aytishicha, tengening kuchayishi import tovarlarining milliy valyutadagi narxini pasaytirib, inflyatsiyani ushlab turishga yordam bermoqda. Bu omil bazaviy stavkani 0,5 bandga pasaytirib, 15,75 foizga tushirgan soʻnggi qarorda muhim rol oʻynadi.

Suleymenovning soʻzlariga koʻra, ichki ishlab chiqarish talabning hammasini qondira olmagani uchun Qozogʻiston hali ham importga bogʻliq. Mamlakat isteʼmol qilinadigan oziq-ovqatning taxminan 28 foizini import qiladi, oraliq va investitsiya tovarlarining import ulushi esa 58 foizdan oshadi. Shu sababli tenge kursi chetdan sotib olinadigan tovarlar narxiga toʻgʻridan-toʻgʻri taʼsir qiladi.

Tengening Rossiya rubliga nisbatan taxminan 18, dollarga nisbatan 12 foizga kuchayganini aytgan Suleymenov, biroq bu doʻkonlardagi narxlarning mutanosib pasayishiga olib kelmayotganini taʼkidladi. U narxlar oshgandan keyin kamdan-kam hollarda avvalgi darajaga qaytishini eslatdi. MDH davlatlaridan import qilinadigan oziq-ovqat narxi esa 3,2 foizga tushgan. Suleymenovning fikricha, kuchli tenge dezinflyatsion qoʻllab-quvvatlash bermoqda.