Oʻzbekistonda shifokorlar uchun ipoteka imtiyozlari va ustamalar kengaytirildi

Oʻzbekistonda tibbiyot xodimlarini qoʻllab-quvvatlash, olis hududlar hamda ixtisoslashgan markazlarga malakali kadrlarni jalb etish boʻyicha yangi chora-tadbirlar belgilandi. Bu haqda prezident matbuot xizmati xabar berdi.

Soʻhada kamida 15 yil ishlagan xodimlarning ipoteka krediti bir qismini qoplash uchun 50 milliard soʻm ajratildi. Shu imkoniyat orqali kelgusi yili 1 ming nafar tibbiyot xodimi yangi uyga koʻchib oʻtishi kutilmoqda. Tizim yosh kadrlarni ham qamrab oladi: har yili 500 nafar yosh tibbiyot xodimining ipoteka krediti boshlangʻich badalining 25 foizi qoplab beriladi.

Kelgusi yildan olis hududlarda ishlaydigan barcha shifokorlarning oylik qoʻshimcha ustamasi 2 million soʻmdan 4,5 million soʻmga oshiriladi. Bunday hududlarga ishga kirgan shifokorlarga 50 million soʻm miqdorida bir martalik gʻaroyib rogʻbat puli beriladi. Shuningdek, xorijiy klinikalarda tajriba toʻplagan vatandosh shifokorlarni mamlakat shifoxonalariga jalb etish tizimi yoʻlga qoʻyiladi; ularning oylik ish haqiga 50 million soʻmgacha ustama toʻlanadi.