Qirgʻiziston Ijtimoiy fondi 2027-yildan pensiyalarni oshirishni taklif qildi, ammo hammaga emas

Qirgʻiziston Ijtimoiy fondi 2026-yil 28-oktabrda pensiyalar, qoʻshimcha toʻlovlar va kompensatsiyalarning yangi miqdorlarini belgilovchi Vazirlar Mahkamasi qarori loyihasini jamoatchilik muhokamasiga chiqardi. Meʼyoriy hujjat 2027-yil 1-yanvardan kuchga kirishi rejalashtirilgan.

Loyiha 2026-yil 21-oktabrdagi prezident Sadir Japarovning ayrim fuqarolar toifalariga davlat yordami haqidagi farmoniga muvofiq ishlab chiqilgan. Loyihaga koʻra, muddatli harbiy xizmatchilar uchun minimal nogironlik pensiyasi 12 ming 300 somda belgilanadi. I guruh nogironlari uchun toʻlov 9 ming 500 som, III guruh uchun esa 5 ming som boʻladi.

«Ona qahramon» yoki «Baatir ene» unvoni bilan taqdirlangan onalarga oyiga 5 ming som qoʻshimcha toʻlov beriladi. Ota-onasidan birini yoʻqotgan bolaga har bir bola uchun asosiy toʻlov 5 ming som, ikkala ota-onasini yoʻqotganlarga esa 8 ming som etib belgilanadi.

Chernobil AESi va boshqa atom obʼyektlaridagi avariya oqibatlarini bartaraf etuvchilar uchun ham qoʻshimcha toʻlovlar nazarda tutilgan. Pensiyasi 12 ming 300 somdan oshadiganlarga oyiga 1 ming som qoʻshimcha toʻlov beriladi, kamroq pensiya oluvchilarga esa 12 ming 300 somgacha boʻlgan farq, ammo kamida 1 ming som miqdorida toʻlanadi. Barcha xarajatlar respublika byudjeti hisobidan moliyalashtiriladi.