Chuy viloyatida yil oxirigacha 42 ta yirik sanoat korxonasi ishga tushiriladi

Qirgʻizistonning Chuy viloyatida umumiy investitsiya hajmi 51,4 mlrd soʻm boʻlgan 28 ta yirik loyiha amalga oshirilmoqda. Bu haqda prezidentning Chuy viloyatidagi vakolatli vakili Elkinbek Ashirbayev “Birinchi radio” efirida maʼlum qildi.

Uning soʻzlariga koʻra, mamlakatda bu yil ishga tushirish rejalashtirilgan 100 ta sanoat korxonasining 42 tasi Chuy viloyatiga toʻgʻri keladi. Mustaqillik kunigacha ulardan 29 tasi ochilgan, yil oxirigacha yana 13 ta ishlab chiqarish korxonasini ishga tushirish rejalashtirilgan.

Loyihalar orasida logistika markazi, gilam va shisha ishlab chiqaruvchi zavodlar, shuningdek yiliga 200 tonna baliq yetishtirishga qodir baliqchilik klasteri bor. Bundan tashqari, tumanlarda va qishloq hokimliklarida kichik va oʻrta biznes obyektlari ochilmoqda.