Шүй облысында жыл соңына дейін 42 ірі өнеркәсіптік кәсіпорын іске қосылады

Қырғызстанның Шүй облысында жалпы инвестиция көлемі 51,4 млрд сом болатын 28 ірі жоба жүзеге асырылып жатыр. Бұл туралы Президенттің Шүй облысындағы өкілеттік өкілі Елкінбек Әшірбаев «Биринчи радио» эфирінде мәлімдеді.

Оның айтуынша, елде биыл іске қосу жоспарланған 100 өнеркәсіп кәсіпорнының 42-сі Шүй облысына тиесілі. Тәуелсіздік күніне дейін олардың 29-ы ашылған, ал жыл соңына дейін тағы 13 өндіріс кәсіпорнын іске қосу жоспарланып отыр.

Жобалар арасында логистикалық орталық, кілем және шыны өндіретін зауыттар, сондай-ақ жылына 200 тонна балық өндіруге қабілетті балық шаруашылығы кластері бар. Сонымен қатар аудандарда және ауыл өкіметтерінде шағын және орта бизнес нысандары ашылып жатыр.