Çüy vilayətində il sonunadək 42 iri sənaye müəssisəsi istifadəyə veriləcək

Qırğızıstanın Çüy vilayətində ümumi investisiya həcmi 51,4 milyard som olan 28 iri layihə həyata keçirilir. Prezidentin Çüy vilayətindəki səlahiyyətli nümayəndəsi Elkinbek Aşırbayev bunu “Birinci radio”nun efirində bildirib.

Onun sözlərinə görə, ölkədə bu il istifadəyə verilməsi planlaşdırılan 100 sənaye müəssisəsindən 42-si Çüy vilayətinə düşür. Müstəqillik gününədək onlardan 29-u açılıb, il sonunadək isə daha 13 istehsal müəssisəsinin istifadəyə verilməsi planlaşdırılır.

Layihələr arasında logistika mərkəzi, xalça və şüşə istehsal zavodları, həmçinin ildə 200 ton balıq istehsal etmək gücündə olan balıqçılıq klasteri var. Bundan əlavə, rayonlarda və kənd hakimiyyətlərində kiçik və orta biznes obyektləri açılır.