Xorazmda kuz-qish mavsumida yoqilgʻi va energiya resurslari yetarli boʻlishi kerak

Xorazm viloyatida yoqilgʻi-energetika boʻyicha viloyat shtabining navbatdagi yigʻilishi oʻtkazildi. Unda Prezidentning 2026 yilda energiya samaradorligini yanada oshirish, energiya resurslarini tejash va ulardan oqilona foydalanish boʻyicha qoʻshimcha chora-tadbirlar toʻgʻrisidagi farmoni ijrosi yuzasidan amalga oshirilgan ishlar, shuningdek viloyatda oʻtgan davrdagi ishlar va yoʻl qoʻyilgan kamchiliklar tanqidiy muhokama qilindi hamda masʼullarning hisobotlari tinglandi.

Tadbirda viloyat prokurori M. Ahmedov elektromobillarni quvvatlash stansiyalarini ishga tushirish, elektr energiyasi va tabiiy gazni tejash, nogironligi boʻlgan uy-joylarda energiyatejamkor uskunalar oʻrnatish boʻyicha amaliy yordam koʻrsatish hamda energetika tizimidagi muammolarni “Yangiyoʻl tumani tajribasi” asosida bartaraf etish zarurligini taʼkidladi.

Yigʻilishda debitor qarzdorliklarni undirish, noqonuniy holatlarni aniqlash boʻyicha nazorat tadbirlarini oʻtkazish, kuz-qish mavsumiga tayyorgarlik, aholi va iqtisodiyot tarmoqlariga energiya resurslarini barqaror yetkazib berishni taʼminlash hamda aniqlangan kamchiliklarni qisqa fursatda bartaraf etish boʻyicha topshiriqlar berildi. Topshiriqlarning ijrosi nazoratga olindi.