Qozogʻistonda kommunal tariflar 2026 yil oxirida oshishi mumkin

Qozogʻistonda yil oxirida kommunal xizmat tariflari oshishi mumkin. Hukumatdagi brifingda milliy iqtisodiyot birinchi vitse-vaziri Azamat Amrin, hukumat va Milliy bank pullik xizmatlar narxi oshishini sekinlashtirishga kelishganini aytdi. Birgalikdagi reja boʻyicha, bu toifaning umumiy inflyatsiyaga ulushi bir foizdan oshmasligi kerak.

Amrinning soʻzicha, bahor va yozda ayrim kommunal tariflarning oshishi inflyatsiyaga 0,47 foiz band qoʻshgan. U oldini olish choralarini davom ettirish maqsadida barcha tarif oshishlarini dekabrga, yil oxiriga surishga harakat qilganlarini aytdi.

Bosh vazir oʻrinbosari, milliy iqtisodiyot vaziri Serik Jumangʻarin kommunal tariflarning oshishi baʼzi kompaniyalarning yopilishiga olib kelishi mumkinmi, degan savolga bunday xavf yoʻqligini aytdi. U mayda oʻtkazilgan brifingda Astanada issiqlik tarifi taxminan 15 foiz, suv va kanalizatsiya tarifi 20–25 foiz oshganini, umumiy inflyatsiyaga taʼsiri 0,3 foizdan oshmasligini maʼlum qildi.