Türkmənistan XİN Alman İqtisadiyyatı Şərq Komitəsinin icraçı direktorunu qəbul edib

Türkmənistan Xarici İşlər Nazirliyində Xarici İşlər naziri Rəşid Meredov ilə Alman İqtisadiyyatı Şərq Komitəsinin icraçı direktoru Maykl Harms görüş keçirib.

Görüşdə tərəflər Türkmənistan və Almaniya arasında əməkdaşlığın aktual məsələlərini müzakirə edib. Ticarət-iqtisadi əlaqələrin genişləndirilməsinə, investisiya qarşılıqlı fəaliyyətinin inkişafına və iki ölkənin biznes dairələri arasında təmasların möhkəmləndirilməsinə xüsusi diqqət yetirilib. Türkmənistan ilə Almaniya arasında müntəzəm dialoqun və Alman İqtisadiyyatı Şərq Komitəsi ilə qarşılıqlı fəaliyyətin inkişafının əhəmiyyəti vurğulanıb.

Sənaye, enerji, kənd təsərrüfatı və nəqliyyat-logistika sahələrində birgə layihələrin perspektivləri, habelə qabaqcıl Alman texnologiyalarının tətbiqi imkanları da müzakirə olunub. Görüşün sonunda tərəflər ikitərəfli tərəfdaşlığın daha da möhkəmləndirilməsində və praktiki əməkdaşlığın genişləndirilməsində maraqlı olduqlarını bildiriblər.