Azərbaycanda 2027-ci ildə orta əməkhaqqının 1288,3 manata çatacağı proqnozlaşdırılır

2027-ci ildə Azərbaycanda orta aylıq əməkhaqqının 1288,3 manat olacağı proqnozlaşdırılır. Bu, 8,7 faiz artım deməkdir. Modern.az xəbər verir ki, bu göstərici Milli Məclisin İqtisadi siyasət, sənaye və sahibkarlıq komitəsində müzakirə olunan 2027-ci il dövlət büdcəsi layihəsinə dair materiallarda əks olunub.

Həmin göstərici gələn ilin gəlir vergisi daxilolmalarının hesablanmasında da nəzərə alınıb. Fiziki şəxslərin gəlir vergisi üzrə büdcə daxilolmalarının 29 faiz artaraq 3 milyard 70 milyon manata çatacağı proqnozlaşdırılır.

Qeyd edilib ki, 1288,3 manat ölkə üzrə orta aylıq əməkhaqqı proqnozudur və hər bir işçinin maaşının bu məbləğə yüksəlməsi demək deyil.