Qazaxıstanda depozit faizinə vergi tətbiq ediləcəkmi: Nazirlik açıqlama verdi

Sosial şəbəkələrdə fiziki şəxslərin bank depozitləri üzrə aldıqları mükafata vergi tutulacağına dair məlumat yayılıb. Egemen.kz-ə istinadən verilən xəbərə görə, bu hadisəyə münasibət bildirən Milli İqtisadiyyat Nazirliyi Hökumətdə belə vergi tətbiqi məsələsinin müzakirə olunmadığını bildirib.

Nazirliyin rəsmi bəyanatında Vergi Məcəlləsinin 430-cu maddəsinə əsasən, fiziki şəxslərin bank əmanətləri (depozitləri) üzrə aldıqları mükafata fərdi gəlir vergisinin tutulmadığı qeyd olunub. Yanlış məlumatla Mübarizə Mərkəzi isə vətəndaşları cəmiyyətdə əsassız narahatlıq və sosial gərginlik yarada biləcək məlumatların yayılmasında məsuliyyətli olmağa çağırıb.

Xatırladaq ki, Dövlət başçısı Qazaxıstan xalqına Müraciətində Hökumətdən vergi qanunvericiliyinə daxil ediləcək konkret və hədəfli dəyişikliklər paketinin hazırlanmasını tapşırmışdı.