Sahil Babayev: Azərbaycan cari xərcləri qeyri-neft-qaz gəlirləri hesabına ödəməyi hədəfləyir

Azərbaycanın maliyyə naziri Sahil Babayevin sözlərinə görə, dövlət büdcəsinin cari xərclərinin tamamilə qeyri-neft-qaz gəlirləri hesabına ödənilməsi hədəflənir. Nazir bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında, 2027-ci ilin büdcə zərfinin müzakirəsi zamanı bildirib.

Onun açıqladığı göstəricilərə görə, gələn il büdcənin cari xərclərinin qeyri-neft-qaz gəlirləri ilə örtülmə nisbətinin 90 %-ə çatacağı proqnozlaşdırılır. 2030-cu ilə, yəni ortamüddətli dövrün sonuna isə hədəf bu göstəricini 100 %-ə çatdırmaqdır. Gələn il icmal büdcədə qeyri-neft-qaz gəlirlərinin payının 64,5 % olacağı, bu da cari illə müqayisədə 1,5 faiz bəndi çox olduğu bildirilib.

Babayev əlavə edib ki, 2030-cu il üçün hədəf bu payı 70 %-ə çatdırmaqdır. Növbəti ildən dövlət və icmal büdcələrinin təqribən 2/3-si qeyri-neft-qaz gəlirləri hesabına təmin olunacaq və bu göstəricinin daha da artırılması planlaşdırılır.