Qazaxıstan 2029-cu ilədək 14,3 milyard dollarlıq infrastruktur səfərbərliyinə başlayır

Qazaxıstan prezident Qasım-Cömert Tokayevin iqtisadi modernləşmənin yeni mərhələsinə çağırışı çərçivəsində, 2029-cu ilədək təxminən 6,5 trilyon tenge (14,3 milyard ABŞ dolları) məbləğində vəsaiti infrastrukturun inkişafına yönəldəcək ölkə miqyaslı tikinti kampaniyasına hazırlaşır.

Xalıqtıq Qurılıs, yəni Xalq Tikintisi proqramı yolları, hava limanlarını, dəmiryol stansiyalarını, elektrik stansiyalarını, xəstəxanaları, məktəbləri və digər ictimai infrastrukturu əhatə edəcək. Tokayev 2027-ci ili ölkə miqyasında böyük tikinti ili elan edib.

Birinci vitse-baş nazir Nurlan Nalıbayev maliyyələşmə planlarını noyabrın 4-də hökumətin mətbuat konfransında açıqlayıb. Onun sözlərinə görə, İnfrastrukturun İnkişafı Fondu vasitəsilə 262 layihə ümumilikdə 1,5 trilyon tenge (3,3 milyard dollar) dəyərində təsdiqlənib və 122 layihə üçün 497 milyard tenge (1,1 milyard dollar) ayrılıb. Baş nazir Olcas Bektenovun sədrliyi ilə keçirilən Samruk-Qazına Idarə Heyəti isə dəyəri 43,8 trilyon tenge olan 69 iri investisiya layihəsini nəzərdən keçirib.