Dövlət Sosial Müdafiə Fonunun 2027-ci il xərclərinə 9,2 milyard manat vəsait nəzərdə tutulub

Sığorta prinsiplərinə əsaslanmayan xərclər Dövlət Sosial Müdafiə Fondunun vəsaitləri hesabına maliyyələşdirilir. AZƏRTAC-ın məlumatına görə, bunu Hesablama Palatasının sədri Vüqar Gülməmmədov 5 noyabr tarixində Milli Məclisin Əmək və sosial siyasət komitəsi ilə İqtisadi siyasət, sənaye və sahibkarlıq komitəsinin birgə iclasında, fondun 2027-ci il büdcəsi haqqında qanun layihəsinin müzakirəsi zamanı deyib.

Palata sədrinin sözlərinə görə, fondun xərcləri iki əsas mənbə hesabına maliyyələşdirilir: fondun büdcə gəlirləri və əvvəlki illərdən istifadə olunmamış vəsaitlər. Növbəti ildə bütün mənbələr üzrə ümumilikdə təqribən 9,2 milyard manat vəsait nəzərdə tutulub.

Hüquqi aktlarda belə tələb müəyyən edilməsə də, büdcədənkənar fondların büdcələri tarazlıq prinsipi əsasında tərtib edilir. Bu isə öhdəliklərin maliyyələşdirilməsi üçün yalnız çatışmayan məbləğ qədər vəsaitin artırılmasına səbəb olur.