Maliyyə naziri 2027-ci il büdcəsinin əsas prioritetlərini açıqlayıb

Azərbaycanın maliyyə naziri Sahil Babayev bildirib ki, 2027-ci il və sonrakı üç il üçün hazırlanan dövlət büdcəsi, konsolidasiya olunmuş büdcə və orta müddətli xərclər çərçivəsində dövlət siyasətinin əsas prioritetləri nəzərdə tutulub. O, bu fikirləri Milli Məclisin təbii ehtiyatlar, energetika və ekologiya, əmək və sosial siyasət, səhiyyə, beynəlxalq münasibətlər və parlamentlərarası əlaqələr komitələrinin birgə iclasında səsləndirib.

Babayevin sözlərinə görə, prioritetlərə davamlı iqtisadi artımın dəstəklənməsi, makroiqtisadi sabitliyin qorunması, əhalinin rifahının yüksəldilməsi və sosial tədbirlərin tam maliyyələşdirilməsi, müdafiə qabiliyyətinin və təhlükəsizliyin gücləndirilməsi, Qarabağ və Şərqi Zəngəzur iqtisadi rayonlarının inkişafı, rəqəmsal texnologiyaların və innovasiyaların tətbiqinin genişləndirilməsi, habelə təhsil və səhiyyə sektorlarının dəstəklənməsi daxildir.

Həmçinin maliyyə intizamının və büdcə qaydasının saxlanılması, dövlət xəzinədarlığı vasitəsilə büdcə xərclərinin hədəfli və səmərəli icrası, eləcə də real sektorun inkişafının sürətləndirilməsi əsas prioritetlər sırasındadır. Bu istiqamətlərin maliyyələşdirilməsi dövlət və konsolidasiya olunmuş büdcələrdə nəzərdə tutulub.