Qazprom: Türkiyəyə qaz tədarükü noyabrın ilk günlərində təxminən dörd dəfə artıb

“Qazprom” 2026-cı ilin payızında Türkiyəyə boru kəməri ilə qaz tədarükündə artım olduğunu açıqlayıb. Bu məlumat, Türkiyənin Rusiya qazı alışını azaltacağına dair bəyanatlarının fonunda yayımlanıb. Şirkətin verdiyi məlumata görə, noyabrın ilk beş günündə türk istehlakçılarına verilən qazın həcmi oktyabr və sentyabrın eyni dövrünə nisbətən təxminən dörd dəfə artıb.

Holdinqin məlumatına əsasən, Qazpromun oktyabr ayında Türkiyəyə ümumi tədarükü sentyabra nisbətən 78% artıb. Rusiya qazı Qara dəniz altından keçən iki boru kəməri ilə Türkiyəyə çatdırır. “Mavi Axın” 2003-cü ilin əvvəlində istifadəyə verilib; layihə gücü ildə 16 milyard kub metr, ümumi uzunluğu isə 1213 kilometrdir.

“Türk Axını” ixrac boru kəməri iki xətdən ibarətdir. Biri türk istehlakçılarına, digəri isə Cənubi və Cənub-Şərqi Avropa ölkələrinə qaz verilməsi üçün nəzərdə tutulub. Kəmərin ümumi gücü 31,5 milyard kub metrdir və 2020-ci ilin yanvarında istismara verilib.